Осиё Футбол Конфедерацияси ўзининг расмий сайтида Хитойда бўлиб ўтган U-23 Осиё чемпионатининг энг чиройли голини аниқлаш учун сўровнома ташкил қилди.
Ушбу сўровномада Ўзбекистон Олимпия терма жамоасининг икки нафар аъзоси томонидан киритилган голлар ҳам жой олган.
Жумладан, Азизжон Ғаниевнинг Жанубий Кореяга ва Жасур Яхшибоевнинг Японияга киритган голлари ҳам Осиё чемпионатининг энг чиройли голи бўлишга даъвогар бўлиб турибди.
Ҳозирча сўровномада Вьетнам терма жамоаси аъзоси Нгуен Хайнинг финалда жаримадан Ўзбекистон терма жамоаси дарвозасига киритган голи 65 фоиз овоз тўплаган ҳолда биринчи ўринда бормоқда. Ушбу голга жами 2376 нафар мухлис овоз берган.
Қуйидаги ҲАВОЛА орқали ОФК сайтига ўтиб, терма жамоамиз аъзолари томонидан киритилган голларга овоз беринг!
