Англиянинг “Ливерпуль” клуби бош мураббийи Юрген Клопп “Хаддерсфилд”га қарши ўйин (3:0) дан сўнг нега ҳимоячи Виргиль ван Дейкни асосий таркибга киритмаганини маълум қилди.
“Виргил ван Дейк нега майдонга тушмади? Бунинг сабаби оддий. Ловрен ва Матип бир бирларини яхши тушинишади. Виргил эса ҳали жамоага тўлақонлигича мослаша олмаган. “Саутгемптон” умуман бошқа усулда футбол ўйнайди ва жисмоний тайёргаликлари ҳам бизникидан умуман фарқ қилади. Виргил бир икки хафтадан сўнг бошқача футбол ўйнашни бошлайди. Унга юклатилган вазифага маъсулят билан ёндошишим керак. У жамоада қўрғон вазифасини бажариши лозим”, - дейди Клопп.
