«Реал»нинг 7 нафар футболчиси бош мураббий Зинедин Зиданга Чемпионлар Лигаси нимчоракфиналидан ўрин олган «ПСЖ» клубига қарши баҳсларда ғалаба қозониш учун бор кучини ишга солишга ваъда берганлар.
Marca хабарига кўра, дарвозабон Кейлор Навас, ҳимоячилар Серхио Рамос, Дани Карвахал ва Марсело, яримҳимоячилар Лука Модрич ва Тони Кроос, шунингдек ҳужумчи Криштиану Роналду бош мураббийни тўлиқ қўллаб-қувватлашини эълон қилганлар.
Аввалроқ, агар «Реал» Чемпионлар Лигасида «ПСЖ» тўсиғидан ўтолмаса, Зидан истеъфога чиқарилиши ҳақида хабарлар тарқалган эди.
