Франция терма жамоаси футболчилари жаҳон чемпионати давомида жамоа ҳужумчиси Дезире Дуэнинг ўйинидан норози бўлишган. Журналист Ромен Молина хабар беришича, шерикларига Дуэнинг тўпни ўзида узоқ вақт олиб юришга бўлган мойиллиги ёқмаган.
Кеча Франция терма жамоаси жаҳон чемпионатининг учинчи ўрин учун кечган баҳсида Англияга 4:6 ҳисобида мағлуб бўлди. Дезире Дуэ майдонда биринчи бўлимни ўтказди, шундан сўнг унинг ўрнига Брэдли Баркола майдонга туширилди.
Клуб даражасида 21 ёшли Дуэ "ПСЖ" шарафини ҳимоя қилади. Нуфузли Transfermarkt портали ҳужумчини 120 миллион еврога баҳоламоқда. Дезиренинг Франция Лига 1 гранди билан шартномаси 2029 йилнинг ўрталаригача мўлжалланган.
