"Барселона"нинг собиқ футболчиси Хави "ПСЖ" ҳужумчиси Неймарнинг қилиғи ҳақида фикр билдирди.
Франция лигаси кубогининг биринчи яримфиналида "ПСЖ" - "Ренн" учрашувида Неймар рақиби Амари Траорега ишлатган қўполлиги учун сариқ карточка олди. Шундан сўнг Неймар Траоренинг ўрнидан туришига ёрдам бермоқчи бўлиб қўл узатди, аммо охирги паллада қўлини тортиб олди. Сўнг кулиб рақибидан узоқлашди.
"Неймардан жуда ранжидим. Умид қиламанки, вақт ўтиб у рақибни ҳурмат қилишни ўрганиб олади. Биз "Барселона"да буни унга ўргата олмадик ва балки, унинг клубдан кетгани ҳаммаг яхши бўлгандир. Бундай қилиқлар буюк футболчиларни пастга уради", - дейди Хави.
