"Barselona"ning sobiq futbolchisi Xavi "PSJ" hujumchisi Neymarning qilig‘i haqida fikr bildirdi.
Fransiya ligasi kubogining birinchi yarimfinalida "PSJ" - "Renn" uchrashuvida Neymar raqibi Amari Traorega ishlatgan qo‘polligi uchun sariq kartochka oldi. Shundan so‘ng Neymar Traorening o‘rnidan turishiga yordam bermoqchi bo‘lib qo‘l uzatdi, ammo oxirgi pallada qo‘lini tortib oldi. So‘ng kulib raqibidan uzoqlashdi.
"Neymardan juda ranjidim. Umid qilamanki, vaqt o‘tib u raqibni hurmat qilishni o‘rganib oladi. Biz "Barselona"da buni unga o‘rgata olmadik va balki, uning klubdan ketgani hammag yaxshi bo‘lgandir. Bunday qiliqlar buyuk futbolchilarni pastga uradi", - deydi Xavi.
