Қирғизистон пойтахти Бишкек шаҳрида бокс бўйича Дуйшенкул Шопоков хотирасига бағишланган халқаро мусобақа якунланди.

Турнирда Қозоғистон, Ўзбекистон,Тожикистон, Россия ва Қирғизистон мамлакатларидан 146 нафар чарм қўлқоп усталари иштирок этдилар.

Мусобақада Ўзбекистон терма жамоаси боксчилари учта олтин, битта кумуш ва иккита бронза медалини қўлга киритиб, умумжамоа ҳисобида иккинчи ўринни эгалладилар. Биринчи ўрин мезбон Қирғизистон терма жамоасига насиб қилди.

Олтин медаль қўлга киритган боксчиларимизнинг финалдаги рақиблари:

-52 кг

Фозилжон Абдумурадов (Ўзбекистон) - Турат Осмонов (Қирғизистон)

-69 кг

Фазлиддин Мелибоев (Ўзбекистон) — Эрмек Сакенов (Қирғизистон)

+91 кг

Обиджон Тохиров (Ўзбекистон) — Шаймуҳаммад Ҳакимов(Қирғизистон)

Кумуш медаль қўлга киритган Нодиржон Мирзаҳмедов эса финалда мезбонлар вакили Мирлан Туркбай уулуга имкониятни бой берди.

Бронза медали учун ўтган жангларда Ойбек Жўраев қирғизистонлик рақибни, Баҳром Фозилов эса қозоғистонлик боксчини мағлуб этди.