Qirg‘iziston poytaxti Bishkek shahrida boks bo‘yicha Duyshenkul Shopokov xotirasiga bag‘ishlangan xalqaro musobaqa yakunlandi.
Turnirda Qozog‘iston, O‘zbekiston,Tojikiston, Rossiya va Qirg‘iziston mamlakatlaridan 146 nafar charm qo‘lqop ustalari ishtirok etdilar.
Musobaqada O‘zbekiston terma jamoasi bokschilari uchta oltin, bitta kumush va ikkita bronza medalini qo‘lga kiritib, umumjamoa hisobida ikkinchi o‘rinni egalladilar. Birinchi o‘rin mezbon Qirg‘iziston terma jamoasiga nasib qildi.
Oltin medal qo‘lga kiritgan bokschilarimizning finaldagi raqiblari:
-52 kg
Foziljon Abdumuradov (O‘zbekiston) - Turat Osmonov (Qirg‘iziston)
-69 kg
Fazliddin Meliboyev (O‘zbekiston) — Ermek Sakenov (Qirg‘iziston)
+91 kg
Obidjon Toxirov (O‘zbekiston) — Shaymuhammad Hakimov(Qirg‘iziston)
Kumush medal qo‘lga kiritgan Nodirjon Mirzahmedov esa finalda mezbonlar vakili Mirlan Turkbay uuluga imkoniyatni boy berdi.
Bronza medali uchun o‘tgan janglarda Oybek Jo‘rayev qirg‘izistonlik raqibni, Bahrom Fozilov esa qozog‘istonlik bokschini mag‘lub etdi.
