"Манчестер Юнайтед" бош мураббийи Жозе Моуриньонинг фикрича, яримҳимоячи Поль Погба майдонда "бокс-ту-бокс" ролини асл кўринишда бажаряпти.
"МЮ"нинг собиқ яримҳимоячиси Райан Гиггз Погбанинг кўпроқ ҳужумда қатнашиши кераклигини таъкидлаган эди.
"Футбол оламидаги таниқли кишиларнинг Погбанинг майдондаги роли ҳақида мулоҳазаларидан уялиб кетяпман. Мен учун "бокс-ту-бокс" - бу "бокс-ту-бокс". Бу дегани - ўйинчи яхши ҳимоялана олиши ва рақиб жарима майдонида бош билан яхши ўйнаши, гол уриши, голли вазият содир қилишидир. Кейин, жамоа тўпни йўқотса, ўз жарима майдонига етиб келиши.
Ҳозир эса, "бокс-ту -бокс"ни ҳимоядан ҳоли дейишмоқда. Рақиб жарима майдонига бориб, ўша ерда қолиб кетиш - бу "бокс-ту-бокс" эмас.
Ҳозир баъзи ақллиларнинг, агентларнинг, футболчи оиласи вакилларининг наздида "бокс-ту-бокс" тушунчаси ўзгариб кетди. Погба - яримҳимоячи. У чап қанот ҳимоячиси ёки ҳужумчи эмас. Мендан сўрасалар, унинг учун энг тўғри жой - яримҳимоя деб айтаман. Жамоа қандай тактикада ўйнамасин, у яримҳимоячи бўлиб қолади. Погбанинг салоҳиятига эга яримҳимоячи топиш қийин. Бу чизиқ учун Погбада ҳамма нарса бор", - дейди Моуриньо.
