"Manchester Yunayted" bosh murabbiyi Joze Mourinyoning fikricha, yarimhimoyachi Pol Pogba maydonda "boks-tu-boks" rolini asl ko‘rinishda bajaryapti.
"MYU"ning sobiq yarimhimoyachisi Rayan Giggz Pogbaning ko‘proq hujumda qatnashishi kerakligini ta’kidlagan edi.
"Futbol olamidagi taniqli kishilarning Pogbaning maydondagi roli haqida mulohazalaridan uyalib ketyapman. Men uchun "boks-tu-boks" - bu "boks-tu-boks". Bu degani - o‘yinchi yaxshi himoyalana olishi va raqib jarima maydonida bosh bilan yaxshi o‘ynashi, gol urishi, golli vaziyat sodir qilishidir. Keyin, jamoa to‘pni yo‘qotsa, o‘z jarima maydoniga yetib kelishi.
Hozir esa, "boks-tu -boks"ni himoyadan holi deyishmoqda. Raqib jarima maydoniga borib, o‘sha yerda qolib ketish - bu "boks-tu-boks" emas.
Hozir ba’zi aqllilarning, agentlarning, futbolchi oilasi vakillarining nazdida "boks-tu-boks" tushunchasi o‘zgarib ketdi. Pogba - yarimhimoyachi. U chap qanot himoyachisi yoki hujumchi emas. Mendan so‘rasalar, uning uchun eng to‘g‘ri joy - yarimhimoya deb aytaman. Jamoa qanday taktikada o‘ynamasin, u yarimhimoyachi bo‘lib qoladi. Pogbaning salohiyatiga ega yarimhimoyachi topish qiyin. Bu chiziq uchun Pogbada hamma narsa bor", - deydi Mourinyo.
