«Тоттенхэм» бош мураббийи Маурисио Почеттино АПЛнинг 27-тури доирасида «Арсенал»га қарши бўлиб ўтган ўйин (1:0) борасида ўз фикрларини билдириб ўтди.

«Биринчи бўлимда ҳар иккала жамоа жуда кўп куч сарфлади. «Арсенал» жипслашган ҳолда ўйнади. Биз устунликка эга бўлсак-да, етарлича вазиятларни юзага келтирмадик.

Иккинчи бўлимда биз анча яхши ўйнадик. Рақиб дарвозаси яқинида бўш ҳудудларни топдик ва етарлича хавфли вазиятлар яратдик. Баҳснинг 65-дақиқасигача ҳисоб 3:0 кўринишига келиши керак эди. Аммо футболни рақибни янчиб ташламасанг, якунда улар ҳам вазиятлар яратишади. Бунинг учун жазоланишинг мумкин.

Ғалабадан хурсандман. Биз 3та қийин ўйин ўтказдик: «МЮ», «Ливерпуль» ва «Арсенал»га қарши. Бу ўйинларда 7 очко тўпладик. Бу жуда яхши натижа. Харри Кейн бизни хурсанд қилишда давом этмоқда. У бизнинг бугунимиз ва келажагимиз. Таркибда шундай футболчига эга бўлганимиздан хурсандман», – деди Почеттино.