«Tottenxem» bosh murabbiyi Maurisio Pochettino APLning 27-turi doirasida «Arsenal»ga qarshi bo‘lib o‘tgan o‘yin (1:0) borasida o‘z fikrlarini bildirib o‘tdi.

«Birinchi bo‘limda har ikkala jamoa juda ko‘p kuch sarfladi. «Arsenal» jipslashgan holda o‘ynadi. Biz ustunlikka ega bo‘lsak-da, yetarlicha vaziyatlarni yuzaga keltirmadik.

Ikkinchi bo‘limda biz ancha yaxshi o‘ynadik. Raqib darvozasi yaqinida bo‘sh hududlarni topdik va yetarlicha xavfli vaziyatlar yaratdik. Bahsning 65-daqiqasigacha hisob 3:0 ko‘rinishiga kelishi kerak edi. Ammo futbolni raqibni yanchib tashlamasang, yakunda ular ham vaziyatlar yaratishadi. Buning uchun jazolanishing mumkin.

G‘alabadan xursandman. Biz 3ta qiyin o‘yin o‘tkazdik: «MYU», «Liverpul» va «Arsenal»ga qarshi. Bu o‘yinlarda 7 ochko to‘pladik. Bu juda yaxshi natija. Xarri Keyn bizni xursand qilishda davom etmoqda. U bizning bugunimiz va kelajagimiz. Tarkibda shunday futbolchiga ega bo‘lganimizdan xursandman», – dedi Pochettino.