"Реал" бош мураббийи Зинедин Зидан чемпионлар лигаси плей-оффида "ПСЖ" устидан қозонилган ғалаба (3:1) ҳақида фикр билдирди.
"Бутун ўйин давомида яхши ўйнадик. Катта босим уюштирдик, ҳатто рақиб ҳисобни очганда ҳам ўз ўйинимизни йўқотмадик. Бу муносиб ғалаба. Роналду ҳақида ҳар куни бир фикрни такрорлайвериш қийин - у буюк ишларда давом этяпти.
Ажойиб ғалабага эришдик, аммо олдинда қийин жавоб учрашуви турганини биламиз. Ўтган мавсумда сафар ўйинларида ҳамма нарса бўлиши мумкинлигини кўрдик. Бугун мухлислар муҳим ишни бажаришди. Улар бир сония ҳам бизни қўллашдан тинмадилар, ҳатто рақиб гол урганида ҳам.
Бугун ғалабадан завқланамиз, ээртадан бошлаб жавоб учрашувига тайёргарлик кўрамиз", - дейди Зидан.
