"Real" bosh murabbiyi Zinedin Zidan chempionlar ligasi pley-offida "PSJ" ustidan qozonilgan g‘alaba (3:1) haqida fikr bildirdi.

"Butun o‘yin davomida yaxshi o‘ynadik. Katta bosim uyushtirdik, hatto raqib hisobni ochganda ham o‘z o‘yinimizni yo‘qotmadik. Bu munosib g‘alaba. Ronaldu haqida har kuni bir fikrni takrorlayverish qiyin - u buyuk ishlarda davom etyapti.

Ajoyib g‘alabaga erishdik, ammo oldinda qiyin javob uchrashuvi turganini bilamiz. O‘tgan mavsumda safar o‘yinlarida hamma narsa bo‘lishi mumkinligini ko‘rdik. Bugun muxlislar muhim ishni bajarishdi. Ular bir soniya ham bizni qo‘llashdan tinmadilar, hatto raqib gol urganida ham.

Bugun g‘alabadan zavqlanamiz, eertadan boshlab javob uchrashuviga tayyorgarlik ko‘ramiz", - deydi Zidan.