Мюнхеннинг «Бавария» ва Лондоннинг «Челси» клуби «Интер» ҳужумчиси Мауро Икардини сотиб олиш учун курашга қўшилди.
FC Inter News нашрининг тарқатган хабарига кўра, «Бавария» ва «Челси» клубларидан ташқари Икардига «Реал» ва «ПСЖ» ҳам қизиқиш билдирмоқда. «Интер» клуби ўз навбатида ўз жамоа сардорини сақлаб қолиш истагида ва у билан шартнома узайтириш борасида музокара олиб бормоқда.
Бу борада унинг хотини ва агенти Ванда Нара билан суҳбат олиб борилмоқда. «Нерадзуррилар» ҳужумчига йилиги 6,5 миллион евро таклиф қилмоқда, футболчи эса бонуслар билан 10 миллион евро олиш истагида.
