Осиё Чемпионлар Лигасида иштирок этаётган Хитойнинг «Шангҳай СИПГ» клуби мусобақадаги ғалабали одимини давом эттирди.

2-турда хитойликлар ўз майдонида Австралиянинг «Мельбурн Виктори» клубини 4:1 ҳисобида мағлуб этишди. Ҳамюртимиз Одил Аҳмедов асосий таркибда майдонга тушиб, 89 дақиқа ўйнади.

Гуруҳнинг яна бир баҳсида Жанубий Кореянинг «Ульсан Ҳёнде» клуби Япониянинг «Кавасаки Фронтале» жамоасидан устун келди.

Бу натижалардан сўнг, «Шангҳай СИПГ» 6 очко билан гуруҳ пешқадами бўлиб олди. «Ульсан Ҳёнде» ҳисобида 4, «Мельбурн Виктори» ҳисобида 1 очко бор. «Кавасаки Фронтале» ҳисобида очко йўқ.

ОЧЛ-2018, F гуруҳи, 2-тур
20 февраль

Шангҳай СИПГ (Хитой) - Мельбурн Виктори (Австралия) - 4:1
Голлар: Ҳалк (27 пен), У Лей (41), Оскар (47, 77) - Бериша (69 пен)

Ульсан Ҳёнде (Жанубий Корея) - Кавасаки Фронтале (Япония) - 2:1
Голлар: Жунг (42), Ёнг-Жэ (66) - Чинен (85)