"Реал" футболчилари Ла лиганинг 25-турида "Алавес"га қарши ўйин олдидан машғулотларни якунладилар. Учрашув бугун, 25 февраль куни бўлиб ўтади.
"Реал"нинг асосий жамоасига "Кастилья" футболчилари -Луисми Кесада ва Альваро Техеро, шунингдек, "Хувениль А" дарвозабонлари Моха Рамос ва Дарио Рамос қўшилдилар, дея хабар беради клуб расмий сайти.
Хесус Вальехо, Лука Модрич, Марсело ва Тони Кроос жароҳатларидан сўнг тикланмоқдалар. Марко Асенсио тишини олдиргани туфайли машғулотларда иштирок этмади.
Машғулотлар тўп билан ишлаш билан бошланди, шундан сўнг футболчилар тўпга эгалик ва прессингни машқ қилдилар. Машғулотларга қанотлардан тўп ошириш ва дарвоза томон зарбалар бериш билан якунланди.
