Бугун пойтахтимиздаги Республика Олимпия захиралари спорт коллежида енгил атлетика бўйича Марказий Осиё чемпионати бошланади.

Икки кун давом этадиган баҳсларда 1999-2000, шунингдек, 2001 йилдан кейин туғилган спортчилар иштирок этадилар. Турнирда Ўзбекистон, Қирғизистон ва Тожикистондан ташриф буюрган ёш спортчилар қатнашадилар.

Режага мувофиқ, бугун 1999-2000 йилларда туғилган спортчилар ўртасида баландликка сакраш, ядро улоқтириш, тўсиқлар оша 60 метрга югуриш, 60, 400 ва 1500 метрга югуриш ҳамда 4х400 эстафета баҳслари ўтказилади. Эртага эса эса 2001 ва ундан кейинги йилларда туғилган спортчилар баландликка сакраш, ядро улоқтириш, 200, 800, 3000 метрга югуриш, 60 метрга тўсиқлар оша югуриш, уч хатлаб сакраш, 4х200 эстафетаси баҳсларида беллашадилар.

Баҳслар соат 10:00да бошланган.