Янги мавсумга тайёргарликнинг иккинчи қисмини Тошкентда давом эттирган “Қизилқум” футболчилари ўқув-машғулотлар йиғинини якунлаб, бугун Навоийга қайтишди.

Салкам бир ойга яқин давом этган йиғин давомида футболчиларнинг жисмоний ва тактик тайёргарлигини ошириш ва ўйин амалиётига катта эътибор қаратилди. Жамоа Суперлигада иштирок этаётган “Навбаҳор” (2 марта- 1:2, 1:3), “Сўғдиёна” (2:1,” “Бухоро” (0:2), “Металлург” (2:2), “Қўқон-1912” (1:1), “Нефтчи” (1:1), Про лига вакиллари “Андижон” (3:1), “Машъал” (2:0), “Оқтепа” (4:1),  Тожикистоннинг “Истиқлол” (1:1) клублари билан назорат учрашувларини ўтказди.

Кеча “Қизилқум” футболчилари Тошкентдан Навоийга қайтиб келишди ва мавсумнинг илк учрашувига ҳозирликни давом эттиришни бошлашди.

“Қизилқум” Супер лиганинг 1-турини Навоийда 1 март куни амалдаги мамлакат чемпиони ва кубоги соҳиби Тошкентнинг “Локомотив” клуби билан ўтказади.