«Манчестер Юнайтед» клуби ҳужумчиси Антони Марсьяль жамоани тарк этиши мумкин.
Футболчининг манкунианликлар билан амалдаги шартномаси 2019 йилнинг ёзига қадар мўлжалланган. Шартномада келишувни яна бир йилга узайтириш мумкинлиги ҳақида банд бор.
Декабрда франциялик ўйинчининг агенти «Манчестер Юнайтед» раҳбарияти билан учрашганди. Ўшанда икки томон амалдаги шартномани узайтириши кутилганди, бироқ бу амалга ошмади.
Ҳужумчи ўзига бўлган бундай муносабатдан норози. Марсьялнинг фикрича, «Манчестер Юнайтед» унинг иқтидорини етарли даражада баҳоламаяпти. Ярим ҳимоячи Алексис Санчеснинг келиши билан Антонининг янги келишуви борасидаги музокаралар тўхтатиб қўйилди. Шундан сўнг, Манчестердан уй сотиб олиш тараддудида юрган Марсьяль бу фикридан қайтган.
22 ёшли франциялик ўйинчига «Тоттенхэм», «Интер» ва «Реал» клубларидан қизиқиш бор. Мадридликлар Гарет Бэйл бошқа клубга йўл оладиган бўлса, унинг ўрнини Марсьяль билан тўлдиришни мўлал қилмоқдалар.
