"Арсенал"нинг собиқ ҳужумчиси Иан Райт жамоа бош мураббийи Арсен Венгерни танқид қилди.
"Венгер доим ўзини оқлайди ва жамоа билан муомаласи меҳрдан ҳоли. Мавсум тугагач унинг жамоада қолишига қарши ҳеч нарса қила олмайман.
"Арсенал" ҳаммани курашга чақириб, ўйинни жонлантирадиган футболчиларни сотиб олишини истайман. Нима бўлганда ҳам "Арсенал"нинг етакчилар сафига қайтиши учун бир неча йил керак бўлади. Англияда кучли бешлик жамоалари бир томонга, "Арсенал" эса бошқа томонга ҳаракатланяпти. Бунга барҳам бериш керак ва янги, омадли мураббий олиб келиш керак, кейин эса янги ва кучли ўйинчиларни сотиб олиш керак. Бу узоқ йўл", - дейди Райт.
"Арсенал" айни пайтда АПЛ жадвалининг 6-поғонасида бормоқда.
