Ўзбекистон футбол Ассоциациясининг йиллик тақвимида белгиланган мини-футбол бўйича Республика биринчилиги 11 ёшдан 17 ёшгача бўлган еттита ёш тоифадаги гуруҳларда ташкил этилаётгани ҳақида хабарингиз бор.
Махсус футбол мактаб-интернетлари, Олимпия захиралари коллежи, Болалар ва ўсмирлар футбол мактаблари, Ихтисослашган болалар ва ўсмирлар спорт мактаблари ҳамда Болалар ва ўсмирлар спорт мактабларининг футбол тарбияланувчилари ўртасида ташкил этилаётган Республика мусобақасининг дастлабки босқич ўйинлари Самарқандда ҳам ўз якунига етди.
Мусобақада жами 84та жамоа қатнашиб,ғолиб чиққан қуйидаги жамоалар Республика босқичига йўлланмани қўлга киритишди:
11 ёшлилар ўртасида - ФБДИМИ
12 ёшлилар ўртасида – “Динамо” футбол мактаби
13 ёшлилар ўртасида – “Динамо” футбол мактаби
14 ёшлилар ўртасида – ФБДИМИ-2
15 ёшлилар ўртасида - “Динамо” футбол мактаби
16 ёшлилар ўртасида – “Динамо” футбол мактаби
17 ёшлилар ўртасида – Самарқанд шаҳар ИБЎСМ
