Айни пайтда Тошкентдаги “Универсал” спорт мажмуасида “World Series of Boxing” доирасида жанглар ўтказилмоқда.
Унда, Ўзбекистоннинг “Uzbek Tigers” ва Кубанинг “Cuba Domadores” жамоалари ўртасида бешта жанг бўлиб ўтиши режалаштирилган.
Аввалроқ, энг енгил вазн тоифасида (49 кг.) Ҳасанбой Дўсматов ўзининг жаҳондаги асосий рақиби Йоанис Аргилагосга қарши рингга кўтарилиб, 3:0 ҳисобида йирик ғалабага эришгани ҳақида хабар бергандик.
Дўстматовдан сўнг, -56 кг вазн тоифасида Шаҳобиддин Зоиров Робейси Рамиресга қарши рингга кўтарилди ва Олимпиада чемпиони рақибини 2:0 ҳисоби билан чиройли тарзда мағлубиятга учратди.
Учинчи жанг -64 кг вазн тоифасида Иқболжон Холдоров ва Энди Круз ўртасида бўлиб ўтди ва Холдоров рақибига имкониятни бой бериб қўйди.
Холдоровдан кейин -75 кг вазн тоифасида Исроил Мадримов Арлен Лопезга қарши жангини ўтказди.
Мадримов жангни тўлиқ назорат остида ўтказди ва бир қатор хавфли зарбалари билан “Uzbek Tigers” жамоасининг “Cuba Domadores” устидан муддатидан олдин ғалабасини таъминлаб берди.
Мадримов учта раундда ҳам 50-45 натижаси билан ҳисобни 3:1 кўринишига келтирди.
“Uzbek Tigers” – “Cuba Domadores” - 3:1.
Кейинги жангда энг оғир вазн тоифасида Санжар Турсунов Эрисланди Савонга қарши рингга чиқади.
Бугунги жанглар:
-49кг: ҲасанбойДўсматов — ЙоҳаннисАргилагос - 3:0.
-56кг: Шаҳобиддин Зоиров — Робейси Рамирес. - 2:0.
-64кг: Иқболжон Холдоров — Энди Круз - 1:2.
-75кг: Исроил Мадримов — Арлен Лопез 3:0.
-91кг: Санжар Турсунов — Эрисланди Савон
