Ayni paytda Toshkentdagi “Universal” sport majmuasida “World Series of Boxing” doirasida janglar o‘tkazilmoqda.

Unda, O‘zbekistonning “Uzbek Tigers” va Kubaning “Cuba Domadores” jamoalari o‘rtasida beshta jang bo‘lib o‘tishi rejalashtirilgan.

Avvalroq, eng yengil vazn toifasida (49 kg.) Hasanboy Do‘smatov o‘zining jahondagi asosiy raqibi Yoanis Argilagosga qarshi ringga ko‘tarilib, 3:0 hisobida yirik g‘alabaga erishgani haqida xabar bergandik.

Do‘stmatovdan so‘ng, -56 kg vazn toifasida Shahobiddin Zoirov Robeysi Ramiresga qarshi ringga ko‘tarildi va Olimpiada chempioni raqibini 2:0 hisobi bilan chiroyli tarzda mag‘lubiyatga uchratdi.

Uchinchi jang -64 kg vazn toifasida Iqboljon Xoldorov va Endi Kruz o‘rtasida bo‘lib o‘tdi va Xoldorov raqibiga imkoniyatni boy berib qo‘ydi.

Xoldorovdan keyin -75 kg vazn toifasida Isroil Madrimov Arlen Lopezga qarshi jangini o‘tkazdi.

Madrimov jangni to‘liq nazorat ostida o‘tkazdi va bir qator xavfli zarbalari bilan “Uzbek Tigers” jamoasining “Cuba Domadores” ustidan muddatidan oldin g‘alabasini ta’minlab berdi.

Madrimov uchta raundda ham 50-45 natijasi bilan hisobni 3:1 ko‘rinishiga keltirdi.

“Uzbek Tigers” – “Cuba Domadores” - 3:1.

Keyingi jangda eng og‘ir vazn toifasida Sanjar Tursunov Erislandi Savonga qarshi ringga chiqadi.

Bugungi janglar:

-49kg: HasanboyDo‘smatov — YohannisArgilagos - 3:0.

-56kg: Shahobiddin Zoirov — Robeysi Ramires. - 2:0.

-64kg: Iqboljon Xoldorov — Endi Kruz - 1:2.

-75kg: Isroil Madrimov — Arlen Lopez 3:0.

-91kg: Sanjar Tursunov — Erislandi Savon