Эрон терма жамоаси бош мураббийи Карлуш Кейруш “Барселона” ва Аргентина терма жамоаси ҳужумчиси Лионель Мессининг имкониятларини юқори баҳолади.

“Мессининг ер сайёрасидан эмаслигини жуда кўп айтганман. Агар у одам бўлганида, майдонда бундай сеҳрли ҳаракатларни бажармаган бўларди. (Эрон ЖЧ-2014 да Мессининг голи эвазига мағлубиятга учраганди).

Мағлуб бўлишни ёқтирмайман, лекин тўрт йил олдинги аламли мағлубиятда фақат сеҳр кучини кўрганман. Ўша вазиятда Мессига бир нечта футболчиларим қаршилик кўрсатишганди, аммо у барибир сўнгги сонияларда гол уриб кетганди.

Агар имконият берилганида ФИФАдан Мессини четлатишларини сўраган бўлар эдим. Сабаби Месси одам эмас, у шунчаки сеҳргар. Месси ФИФАга ўзини одам эканлигини исботлаши керак, деб ўйлайман!” – деди Кейруш.