Испаниялик собиқҳужумчи Энрике де Кастро Гонсалес (Кини) 68 ёшида ҳаётдан кўз юмди. «Барселона» ва «Спортинг» Хихон клублари собиқ футболчисининг ўлимига юрак хуружи сабаб бўлгани айтилмоқда.
Кини фаолияти давомида 5 марта Испания чемпионатининг энг яхши тўпурари бўлган. «Барселона» таркибида икки марта Испания кубоги (1981, 1983), бир мартадан кубок эгалари кубоги (1982), Испания лига кубоги (1983) ва Испания суперкубоги (1984) турнирларида зафар қучган.
Шунингдек, Кини терма жамоа сафида 35та ўйин ўтказиб, 8та голга муаллифлик қилган. Умуман Кини фаолияти давомида 300дан ортиқ голга муаллифлик қилган.
