Италия кубогининг ярим финал босқичи доирасида «Лацио» ва «Милан» клублари ўртасида жавоб ўйини бўлиб ўтди. "Сан-Сиро"да бўлиб ўтган дастлабки баҳсда ҳисоб очилмаганди.

Кеча оқшом 120 давом этган тўқнашувда ҳам дарвозалар ишғол этилмади. Пенальтилар сериясида эса "россонери"нинг қўли баланд келди — 5:4.

Шу тариқа, Гаттузо шогирдлари муваффақиятли ўйинлар сериясини давом эттирган ҳолда, Италия кубоги финалига йўл олишди. Финалда эса уларни "Ювентус" кутиб турибди.

Италия кубоги, ярим финал, жавоб ўйини
Лацио – Милан 0:0. Пенальтилар бўйича - 4:5
Лацио – Стракоша, де Врей, Раду, Марушич (Лукаку, 93), Касерес (Луис Фелипе, 68), Милинкович-Савич, Лулич, Луис Альберто (Фелипе Андерсон, 67), Пароло, Лейва, Иммобиле.
Милан – Доннарумма, Бонуччи, Родригес, Калабрия, Романьоли, Бонавентура, Биглия, Чалханоглу, Кессиэ (Монтоливо, 96), Сусо (Борини, 108), Кутроне (Калинич, 70).
Огоҳлантиришлар: Кессиэ (38), Романьоли (57), Калабрия (73), Марушич (90), Раду (103), Милинкович-Савич (103).
Дастлабки ўйин: 0:0