"Милан" Италия кубоги яримфиналининг жавоб учрашувида "Лацио"ни пенальтилар сериясида мағлуб этди.
Шу тариқа, Гаттузо шогирдларининг барча мусобақалардаги мағлубиятсиз серияси 13 та ўйинга етди.
"Россонери" охирги марта бундай натижага 2009 йилнинг декабрида эришган эди.
"Милан" мағлубиятсиз серия давомида Европа лигасининг 1/8 финалига йўл олди ва "Арсенал" билан ўйнайди, Италия кубоги финалига чиқди ва "Ювентус" билан ўйнайди, шунингдек, А серияда "ЕЧЛ зона"си билан очколар фарқини 7 тага камайтирди.