"ПСЖ" ҳужумчиси Неймар ҳафта охирида операция қилинади."ПСЖ" клуби ва Бразилия терма жамоаси шифокорлари шу қарорга келишди.
Бу ҳақида клуб расмий сайти хабар берди.
26 ёшли футболчини Бразилия терма жамоаси шифокори Родриго Ласмар операция қилади, унга "ПСЖ"даги ҳамкасби Жерар Селен ёрдам беради.
Неймар "Марсель"га қарши учрашувда (3:0) жароҳат олган, унга бешинчи панжа суяги ёрилиши ташхиси қўйилган эди.
Шу тариқа, футболчи ЕЧЛ 1/8 финалининг жавоб учрашувида "Реал"га қарши учрашувни ўтказиб юбориши мумкин.













