“Нефтчи” – “Насаф” баҳсидан кейин ўтказилган матбуот анжуманида фарғоналиклар бош мураббийи Сергей Ковшов иштирок этиб ўйин ҳақида фикрларини билдирди.
Сергей Ковшов: Бугун жиддий рақибга қарши рақобат олиб бордик. Аммо менга маъқул келган томони “Нефтчи”нинг ғалабага бўлган чанқоқлиги бўлди. Жамоа охиригача курашди. Ғалаба сари интилганликларини кўрсатиб қўйишди.
Иштиёқ эса бугунги натижада муҳим роль ўйнади. Ҳамма мураббийлар жамоасининг ғалаба қозонишини истайди. Шу қатори мен ҳам жамоамдан ғалаба кутгандим. Бугун биз оғир меҳнат эвазига қимматли очкони қўлга киритдик. Йигитларнинг ўйинидан кўнглим тўлди”, деди Ковшов.