Испания чемпионатининг 26-турида "Лас-Пальмас" ҳуумчиси Хонатан Кальери "Барселона" дарвозасига белгиланган пенальтини аниқ амалга оширди (1:1).
Шу тариқа, 78 ўйиндан буён каталонияликлар дарвозасига пенальти белгиланмаган ўйинлар серияси ниҳоясига етди.
Бу клубнинг рекорд серияси бўлди ва икки йилдан ошиқ вақт давом этди. "Барса" дарвозасига охирги марта 2016 йилнинг 14 февралида пенальти тепилган эди.
Таъкидлаш жоиз, "Реал"да бу каби серия икки марта қайд этилган ва ҳар сафар ўйинлар сони 88тани ташкил қилган (1953-1956, 1969-1972).













