ESPN нашрининг хабар қилишича, 58 ёшли мутахассис лондонликлар клубини бошқариш учун асосий номзод бўлиб турибди.
Арсен Венгернинг мавсум охирида истеъфога чиқиши тобора ойдинлашиб бормоқда. Унинг «Арсенал» билан амалдаги шартномаси 2018/19 мавсум охиригача мўлжалланган, бироқ лондонликлар клуби раҳбарияти бу муддатгача кутиб ўтирмаслиги мумкин.
Лёвнинг Германия футбол иттифоқи билан келишуви Евро-2020 якунига қадар амал қилади. Шунга қарамай, «Арсенал» ушбу мутахассисга биринчи рақамли номзод сифатида қарамоқда.
Шунингдек, жамоа диққат марказида «Монако» устози Леонарду Жардим ва «Селтик» мураббийи Брендан Рожерслар ҳам бор.
