Бразилиянинг "Гремио" клуби яримҳимоячиси Артур Рамос фаолиятини Испания чемпионатида давом эттиради.
"Барселона" клуби расмий сайтининг хабар беришича, клуб унинг трансфери бўйича келишиб олди. Трансфер суммаси 30 миллион евро. Бунга яна 9 миллион евро бонуслар ҳам қўшилади.
Футболчи янги жамоасига июль ойида қўшилади.
Аввалроқ Артур Рамосга "Манчестер Юнайтед" ва "Монако" клублари ҳам қизиққани хабар қилинган эди.
Рамос "Гремио" сафида Бразилия кубоги (2016)ва Либертадорес кубоги соҳиби бўлган (2017). Ўтган мавсумда энг яхши янги ўйинчи деб топилган.
