Хабарингиз бор, Суперлиганинг 2-тур баҳслари доирасида “Сўғдиёна” ўз майдонида “Нефтчи” ни қабул қилди ва ушбу ўйинда хисоб очилмади. Ўйиндан сўнг жамоа футболчиларига бир кунлик танаффус берилган эди.
Бугун жамоа "Сўғдиёна" қароргохига йиғилди ва "Бухоро" қарши тайёргарликни бошлади. Жамоанинг барча футболчилари машғулотларга қатнашмоқда.
“Нефтчи” га қарши баҳсда қизил карточка олиб майдондан четлатилганлиги боис Дилмурод Каримов “Бухоро” га қарши баҳсни ўтказиб юборади.
Эслатиб ўтамиз, Суперлиганинг 3-турида жамоа Бухорога сафар қилади. "Бухоро" га қарши баҳс 16 март куни "Бухоро" спорт мажмуаси стадионида бўлиб ўтади.
"Сўғдиёна" ПФК матбуот хизмати
