Европа чемпионлар лигасининг нимчорак финал босқичи ортда қолди. Навбат — чорак финал учун ташланадиган қуръага. Қуръа ҳақида фойдали маълумотларни эътиборингизга ҳавола қиламиз.

Чорак финалга чиққан жамоалар
"Барселона" (Испания)
"Бавария" (Германия)
"Ливерпуль" (Англия)
"Манчестер Сити" (Англия)
"Реал" (Испания)
"Рома" (Италия)
"Севилья" (Испания)
"Ювентус" (Италия)

Қачон ва қаерда?
Чорак финалга қуръа ташлаш маросими эртага, 16 март куни УЕФА қароргоҳи жойлашган Швейцариянинг Ньон шаҳрида бўлиб ўтади. Маросим Тошкент вақти билан 16:00да бошланади. Орадан 1 соат ўтиб Европа лигасининг чорак финал босқичига қуръа ташлаш маросими бошланади.

Қуръа механизми
Қуръадан олдин жамоалар саватчаларга ажратилмайди. Қуръа "кўр-кўрона" тамойили асосида ўтказилади. Бир мамлакат жамоалари ўзаро тўқнаш келишлари мумкин. Қуръа жараёнида номи биринчи чиққан жамоа чорак финалнинг дастлабки баҳсини ўз майдонида ўтказади.

Қуръани қаерда томоша қилиш мумкин?
FUTBOL TV қуръа маросимини жонли эфирда трансляция қилишни режалаштирган.

Қуръа жараёнида кимлар иштирок этади?
УЕФА масъул ходимларидан ташқари Европа чемпионлар лигаси финали элчиси — Андрей Шевченко.

Ўйинлар қачон ўтказилади?
Дастлабки ўйинлар 3 ва 4 апрель, жавоб баҳслари эса 10 ва 11 апрель кунлари бўлиб ўтади. Тўлиқ тақвим қуръадан кейин аниқ бўлади.

Навбатдаги ўйинлар:
Чорак финал: 3/4 ва 10/11 апрель
Ярим финалга қуръа: 13 апрель
Ярим финал ўйинлари: 24/25 апрель ва 1/2 май
Финал: 26 май, шанба, Киев, "Олимпийский" стадиони