Аввал хабар берганимиздек, пойтахтнинг “Ёшлик” спорт мажмуасида аёллар футзали бўйича мамлакат чемпионатининг сўнгги – учинчи тур ўйинлари ўтказилмоқда.

Муддатидан аввал чемпионликни ҳал этган “Севинч” ва кумуш медални ўзиники қилган “Металлург” жамоалари эртага бўладиган сўнгги кунги ўйинларни шунчаки, машғулот сифатида ўтказиши аниқ. Олмалиқнинг АГМК жамоаси эса бирорта ҳам очко ишлай олмаган ҳолда аллақачон турнир жадвалининг энг қуйи поғонасидан жой олиб улгурди. Мухлислар эртага фақат бронза медал учун курашни кузатишлари мумкин.

Аслида учинчи ўрин эгаси назарий жиҳатдан аниқланиб бўлди. Бугун майдонга тушган “Локомотив” ва “Пахтакор” жамоалари ўртасидаги учрашувда дуранг натижа “Пахтакор” аъзоларини қониқтирар эди. Ваҳоланки, ҳал қилувчи учрашувда “темирйўлчилар”га ютқазиб қўйди.

Айни пайтда “Пахтакор” ва “Локомотив”да очколар тенглашган, бироқ уч тур давомидаги ўзаро ўйинларда “Локомотив” иккита ғалаба қозонган, “Пахтакор”да эса ютуқ битта.

Эртага ўтадиган сўнгги кунда назарий жиҳатдан иккала жамоа ҳам рақибларидан очко ололмаслиги равшан. Сабаби, “Пахтакор” “Металлург” билан, “Локомотив” эса АГМК билан куч синашади. Гарчи ўйинларда қандай ҳисоблар қайд этилишини башорат қилиш мумкин бўлса-да, буни футбол дейдилар, амалда ҳар нарса бўлиши мумкин...   

3-тур

16 март

“Севинч” – “Пахтакор” – 10:2

“Металлург” – АГМК – 28:2

17 март

“Локомотив” – “Металлург” – 0:8

АГМК – “Севинч” – 0:24

18 март

“Локомотив” – “Севинч” – 0:6

“Пахтакор” – АГМК – 14:1

19 март

“Локомотив” – “Пахтакор” – 7:5

“Металлург” - “Севинч” – 0:4

3-тур, 19 мартдаги ҳолат:

1.”Севинч”          12     12     0       0       145-7       36

2.”Металлург”     11     8       0       3       112-23    24

3.”Локомотив”    11     4       0       7       52-63     12

4.”Пахтакор”       11     4       0       7       62-67     12

5.АГМК              11      0      0       11      9-220       0

20 март

“Металлург” – “Пахтакор”

“Локомотив” – АГМК