"Гремио" яримҳимоячиси Артур Мело ўзининг "Барселона"га ўтиши ҳақида фикрларини билдирди.
Матубуот хабарига кўра, трансфер июль ойида амалга ошади. Каталонияликлар Мело учун 30 миллион евро тўлайдилар. 21 ёшли футболчи "Барса" сафида маълум ўйинларни ўткзаганидан сўнг ва янги шартнома имзолашидан олдин бу суммага яна 10 миллион евро қўшилади.
"Миш-мишлар энди тарқала бошлаган вақтда мен Неймар билан терма жамоада қисқача суҳбатлашган эдим. Мен ундан "Барселона" ҳақида сўрадим, у клубни ва шаҳарни мақтади. Неймар менга каталонияликлар сафига ўтишимни маслаҳат берган эди.
Сўнг Коутиньо билан билан гаплашдим, у ҳам Неймарнинг сўзларини такрорлади.
Музокаралар мен учун ҳам, "Гремио" учун ҳам омадли тугаганидан хурсандман. Мен клубга ёрдам беришни истагандим ва бу натиадан мамнунман.
Агар "Барселона"га қўшилишим керак бўлиб қолса буни биргаликда ҳал қиламиз мен 100 фоизга тайёрман", - дейди Мело.
