"Ливерпуль" клуби ва Австралия термасининг собиқ футбочиси Гарри Кьюэллнинг фикрича, Муҳаммад Салоҳ шу тарзда ўйнаб турса - "Олтин тўп"ни қўлга киритиши мумкин.
"Салоҳ феноменал мавсумни ўтказмоқда. Одамлар унинг мавсумда энг яхши ўйинчи бўлиши айтмоқдалар, аммо мен яна ҳам олдинроққа кўз ташлайман. У агар жаҳон чемпионатида фантастик ўйин кўрсатса, бир жуфт гол урса, кейин янги мавсумда ҳам шу савияда ўйнаса, нима учун "Олтин тўп"ни олмаслиги керак? Шундай бўлса бунга қарши омилларни кўрмаяпман", - дейди Кьюэлл.
