"Арсенал"нинг собиқ яимҳимоячиси, беларуслик футболчи Александр Глеб лондонликлар устози Арсен Венгер ЕЧЛ финали олдидан ўз шогирдларини қандай илҳомлантирганини ҳикоя қилди.
"Бу 2006 йилда, чемпионлар лигаси финали олдидан бўлган эди. Ўйин олди кўрсатмалари олиш кҳучун келдик, ўтирдик. Венгер ҳеч нарса демасдан телевизорни ёқди. Экранда кўлда сузиб юрган оққушлар пайдо бўлди. Юзлаб оққушлар, агар минглаб бўлмаса.
Бир пайт уларни қандайдир шовқин ҳуркитди, шундан сўнг оққушлар қанотларини силкитиб синхрон равишда юқорига кўтарилдилар. Худди бир текис оппоқ яхлит буюм сингари. Биз аввал кулдик, кейин жим бўлдик, чунки бу таъсирли эди.
Шундан сўнг Арсен деди: "Бугун худди шу оққушлар каби синхрон ҳаракат қилиб, омадга эришишингиз керак. Йигитлар бош силкидилар. Бу ҳақиқатан таъсирли эди ва илҳомлантирган эди", - эслайди Глеб.
2006 йилги ЕЧЛ финалида "Арсенал" "Бавария"га 1:2 ҳисобида мағлуб бўлган эди.
