Россиялик миллиардер Алишер Усмонов “Милан” жамоасини тўлиқ сотиб олиши мумкин.
Айни вақтда Италиянинг машҳур жамоаларидан бири хитойлик тадбиркор Юнхун Лига қарашли ҳисобланади. Бироқ Юнхун ҳозирда бир қатор молиявий муаммоларга дуч келмоқда, - дея ёзилади хабарди.
“Россонерилар” хўжайини Юнхун Лининг “Elliott Management” компаниясидан 303 млн евро қарздорлиги бор ва Алишер Усмонов ушбу қарздорликни тўлаб бериш эвазига “Милан” акцияларини қўлга киритиши мумкин. Ушбу харид октябрь ойида амалга ошиши кутилмоқда.
Эслатиб ўтамиз, Алишер Усманов Лондоннинг “Арсенал” клуби акция (30 фоиз) ларига ҳам эгалик қилади.
