«Ювентус» ҳужумчиси Пауло Дибала Мадриднинг «Атлетико» клубига ўтади, деб хабар беради Football Italia.

Испания клуби Гризманни сотиб, ўрнига аргентиналик тўпурарни таклиф қилишни режалаштирмоқда. Унинг трансфер нархи 150 - 200 млн евро оралиғида бўлиши мумкин. «Атлетико» бу қийматни пасайтириш учун битимга черногориялик ҳимоячи Стефан Савични қўшиб бермоқчи.

Дибала 2017 йил апрель ойида «Ювентус» билан янги шартнома имзолаган эди. У айни пайтда А Сериянинг энг кўп маош олувчи футболчиларидан бири ҳисобланади.

Жорий мавсумда ҳужумчи барча мусобақаларда 35та ўйин ўтказиб, 21та гол урган ва 3та голга ҳаммуаллифлик қилган.