«Yuventus» hujumchisi Paulo Dibala Madridning «Atletiko» klubiga o‘tadi, deb xabar beradi Football Italia.
Ispaniya klubi Grizmanni sotib, o‘rniga argentinalik to‘purarni taklif qilishni rejalashtirmoqda. Uning transfer narxi 150 - 200 mln yevro oralig‘ida bo‘lishi mumkin. «Atletiko» bu qiymatni pasaytirish uchun bitimga chernogoriyalik himoyachi Stefan Savichni qo‘shib bermoqchi.
Dibala 2017 yil aprel oyida «Yuventus» bilan yangi shartnoma imzolagan edi. U ayni paytda A Seriyaning eng ko‘p maosh oluvchi futbolchilaridan biri hisoblanadi.
Joriy mavsumda hujumchi barcha musobaqalarda 35ta o‘yin o‘tkazib, 21ta gol urgan va 3ta golga hammualliflik qilgan.
