“Насаф” тарбияланувчилари Қатарга етиб боришди, дея хабар беради жамоанинг расмий сайти.
Эслатиб ўтамиз Қатарнинг дунёга машҳур “Aspire” академияси Осиёнинг энг яхши академиялари тарбияланувчиларидан иборат жамоалар ўртасида мусобақа ташкил этган. Мазкур мусобақага 2017 йил якунига кўра, Ўзбекистоннинг энг яхши академияси сифатида эътироф этилган “Насаф” футбол мактаби ҳам иштирок этади.
Мусобақада "Насаф" футбол мактабининг 2000, 2001-2002 ва 2003 йилда таваллуд топган тарбияланувчиларидан иборат жамоалари қатнашади.
Қатардаги мусобақа 1-4 апрел кунлари бўлиб ўтади. Ҳар бир ёш тоифасидаги жамоалар 2тадан учрашув ўтказишади. Шунингдек, жамоалар Қатарлик тенгдошлари билан биттадан ўртоқлик учрашувларида ҳам майдонга тушишади.
