“Nasaf” tarbiyalanuvchilari Qatarga yetib borishdi, deya xabar beradi jamoaning rasmiy sayti.

Eslatib o‘tamiz Qatarning dunyoga mashhur “Aspire” akademiyasi Osiyoning eng yaxshi akademiyalari tarbiyalanuvchilaridan iborat jamoalar o‘rtasida musobaqa tashkil etgan. Mazkur musobaqaga 2017 yil yakuniga ko‘ra, O‘zbekistonning eng yaxshi akademiyasi sifatida e’tirof etilgan “Nasaf” futbol maktabi ham ishtirok etadi.

Musobaqada "Nasaf" futbol maktabining 2000, 2001-2002 va 2003 yilda tavallud topgan tarbiyalanuvchilaridan iborat jamoalari qatnashadi.

Qatardagi musobaqa 1-4 aprel kunlari bo‘lib o‘tadi. Har bir yosh toifasidagi jamoalar 2tadan uchrashuv o‘tkazishadi. Shuningdek, jamoalar Qatarlik tengdoshlari bilan bittadan o‘rtoqlik uchrashuvlarida ham maydonga tushishadi.