“Насаф” ва “Бунёдкор” мухлислари етакчилари бугунги ўйин олдидан Эроннинг “Персеполис” жамоаси мухлислари билан учрашишди.

“Насаф” клуби мухлисларидан бири Санжар Сайфиев билан алоқага чиқганимизда, у бизга эронлик мухлислар билан аввал “SGCC” меҳмонхонасида суратга тушгани ва кейин уларни Қарши шаҳрини кўрсатиб келгани ҳақида айтди. Буларнинг бари ўзбекона меҳмондўстлик ва дўстона алоқаларни ўрнатиш мақсадида амалга оширилган.

Шунингдек, “Бунёдкор” жамоасининг етакчи мухлислари бугун “Насаф” мухлислари билан елкама-елка туриб, “аждарлар”ни Ўзбекистон шаънини муносиб ҳимоя қилишларига кўмаклашишмоқда.

Эслатиб ўтамиз, “Насаф” – “Персеполис” учрашуви бугун 19:30 да бошланади.