“Nasaf” va “Bunyodkor” muxlislari yetakchilari bugungi o‘yin oldidan Eronning “Persepolis” jamoasi muxlislari bilan uchrashishdi.
“Nasaf” klubi muxlislaridan biri Sanjar Sayfiyev bilan aloqaga chiqganimizda, u bizga eronlik muxlislar bilan avval “SGCC” mehmonxonasida suratga tushgani va keyin ularni Qarshi shahrini ko‘rsatib kelgani haqida aytdi. Bularning bari o‘zbekona mehmondo‘stlik va do‘stona aloqalarni o‘rnatish maqsadida amalga oshirilgan.
Shuningdek, “Bunyodkor” jamoasining yetakchi muxlislari bugun “Nasaf” muxlislari bilan yelkama-elka turib, “ajdarlar”ni O‘zbekiston sha’nini munosib himoya qilishlariga ko‘maklashishmoqda.
Eslatib o‘tamiz, “Nasaf” – “Persepolis” uchrashuvi bugun 19:30 da boshlanadi.
