4 апрель куни, «Сантьяго Бернабеу» стадионида «Реал» (Мадрид) клубига «Футбол дўстлик учун» Халқаро болалар ижтимоий дастури махсус соврини - «Тўққизта қадрият» кубоги топширилди.
Дастурнинг турли мамлакатлардан келган аъзолари бир овоздан «Реал»ни «йилнинг энг ижтимоий масъул клуби» деб топишди. Маълумки, кубок ҳар йили «Футбол дўстлик учун» дастурининг 9та - дўстлик, тенглик, адолат, саломатлик, тинчлик, вафодорлик, ғалаба, анъаналар ва виждон каби қадриятларига содиқлик қилганларга топширилади.
«Real Madrid Foundation» - махсус жамғармаси 1998 йилда ташкил қилинган бўлиб, 20 йиллик фаолияти давомида, кам таъминланган оилаларнинг 800 мингдан ортиқ ўғил ва қизлари у орқали спорт билан шуғулланиш имкониятини қўлга киритиб, жамиятнинг тўлақонли аъзоси бўлиб улғайишди.
«Тўққизта қадрият» кубогининг соҳиблари орасида «Реал»дан ташқари, «Барселона» (Испания, 2015 йил), «Бавария» (Германия, 2016 йил) ва «Ал-Ваҳда» (Сурия, 2016 йил) клублари ҳам бор. Бу совриннинг эгаси фақат болалар томонидан аниқланади.