"Бразилия" терма жамоаси ва "Челси"нинг собиқ бош мураббийи Луис Фелипе Сколари "Вест Бромвич"ни бошқармоқчи эканини айтди.
"Вест Бромвич" яқинда Алан Пардью билан хайрлашди ва янги бош мураббий қидирмоқда. Жамоа АПЛнинг охирги ўрнида бормоқда ва кейинги йилни Чемпионшипда ўтказиши мумкин.
"Менга АПЛ жуда ёқади ва доим унинг ўйинларини кузатиб бораман. Келгуси йилда у ерда ишлашим мумкин, кечирасиз, АПЛда эмас, иккинчи дивизионда. Менда таклиф бор ва уларнинг нима хоҳлашларини билишни истайман. Мен оиламга "Уч ой - январь, февраль, март Бразилияда бўламан. Апрелда яна чет элга кетишим мумкин" деб хабар бердим.
Менда Англиянинг иккинчи дивизионидан аниқ таклиф бор. Улар ҳозир АПЛдалар, аммо ўйлашимча, тушиб кетсалар керак. Агар икки йиллик таклиф бўлса, рози бўлишим мумкин", - дейди Сколари.