"Барселона" бош мураббийи Эрнесто Вальверде жамоа ҳужумчиси Лионель Мессининг Ла лиганинг 31-турида "Леганес"га арши ўйинга тайёрлиги ҳақида фикр билдирди.
Учрашув бугун бўлиб ўтади.
"Машғулотлардан сўнг Месси ўзини қандай ҳис қилишига қараймиз. "Рома" билан ўйиндан сўнг бир нечта ўйинчиларимиз ўзларини ёмон ҳис қилишган эди. Мессига дам бериш керак бўладими ё йўқми, кўрамиз", - дейди Вальверде.
Месси бир қанча вақтдан буён сон мушакларида муаммо сезмоқда. Ўтган турда "Севилья"га қарши ўйинни захира ўриндиғида бошлади. Сўнг майдонга тушиб 0:2 ҳисобини 2:2 қилишга эришган эди. ЕЧЛ чорак финалида "Рома" билан ўйинни тўлиқ ўтказди.
