Хитой чемпионати иккинчи дивизионидаги ўйинлардан бири фожиали тарзда якун топиши мумкин эди.
Хитой чемпионати биринчи лигаси 4-туридан ўрин олган “Мейчжоу Хакка” ва “Синьцзян Тяньшань Леопард” клублари ўртасидаги ўйинда нохуш ҳолат содир бўлди. Вазиятлардан бирида меҳмон жамоа аъзоларидан бири тўпни рақиб ҳужумчиси Жон Мерга қараб зарб билан тепди. Тўп футболчининг томоқ қисмига тегди. Мазкур ўйинда дубл қайд этган ҳужумчи шу заҳоти ерга қулади ва нафас ололмай қолди. Унинг мураббийси Русмир Цвико эса дарҳол шифокорларни чақирди ва футболчига биринчи ёрдамни кўрсатишга улгурди. Акс ҳолда футболчи вафот этиши мумкин эди.
